Времето денеска во земјава ќе биде променливо облачно со повремени врнежи од дожд. Наместа врнежите ќе бидат поројни и проследени со ретки грмежи. Ќе дува слаб до умерен ветер од југоисточен правец. Минималните температури ќе бидат во интервал од четири до 10, а максималните од 10 до 15 степени.
Во Охрид ќе преовладува променливо облачно време со услови за дожд. Минималните температури ќе се спуштат до пет, а максималните ќе достигнат до 12 степени.
И во следните денови под влијание на циклонска активност од запад ќе се задржи променливото облачно време со повремени врнежи од дожд. Наместа врнежите ќе бидат поројни, проследени со ретки грмежи. Температурите ќе бидат без поголеми промени.
OhridNews
