Во утринските часови на места ќе провејува снег. Во текот на денот времето ќе биде променливо облачно со сончеви периоди. Ќе дува слаб до умерен ветер од северен правец, информираат од Управата за хидрометеоролошки работи.
Минималната температура ќе биде во интервал од -2 до 3, а максималната ќе достигне од 3 до 10 степени.
Во Охрид, ќе преовладува претежно облачно време, со сончеви периоди. Максималната температура ќе достигне до 6 степени.
Во вторник ќе се задржи стабилно време со негативни утрински температури. Нов влажен бран со локални врнежи од дожд, а на планините на запад од снег, се очекува во среда и во четврток.
OhridNews
