Во рамки на програмата на Општина Охрид за одбележување на 23-ти Октомври, Денот на македонската револуционерна борба денес ќе се одржи промоција на поетската збирка „Тие доаѓаат“ во издание на Општина Охрид.
На настанот предвидени се обраќања на претставник на Општина Охрид, на Митре Велјаноски како уредник на изданието, како и на Славе Ѓорѓо Димоски, приредувач на изданието.
Потоа ќе следи читање на поетски творби од страна на Христина Трпеска – директорка на НУ Библиотека „Григор Прличев“ и Розе Костеска – писателка за деца.
Книгата е создадена од учениците од основните и средните училишта во Охрид и станува збор за петто дело.
Промоцијата ќе се одржи во галеријата на НУ Центар за култура „Григор Прличев“ со почеток во 11:30 часот.
OhridNews
