Промоција на преводите на Есенин и Мајаковски од Славе Ѓорѓо Димоски
08.10.25 10:35
Утре во 20 часот во Градската библиотека „Борка Талески“ во Прилеп под наслов Поетски двобој: Есенин vs Мајаковски ќе се одржи промоција на книгите „Поезија“ од двајцата руски класици кои ги преведе Славе Ѓорѓо Димоски.
Препејувачот подвлекува дека во книгата на Есенин се застапени песни од неговата боемска фаза, кои повеќето не се препеани на македонски јазик, додека пак од Мајаковски се препеани песни од неговата предреволуционерна фаза, но нов препев е извршен и на неговите поеми: „Облак во панаталони“, „‘Рбатот – флејта“, „Љубам“ и „На Сергеј Есенин“.
Промоцијта е по повод 130 години од раѓањето и 100 години од смртта на Есенин и 95 години од смртта на Мајаковски.
Настанот е замислен како поетски двобој на двајцата вечни ривали во руската литература од првите децении на ХХ век преку читање на стихови низ кои ќе се проследи различноста во нивните поетики за да се истакне нивното поетско ривалство. Тоа е во адаптација и изведба на актери од прилепскиот театар, а за нивното животно и творечко ривалство ќе води разговор Звонко Димоски со Славе Ѓорѓо Димоски.
Во тек е поставување електричен кабел и водоводна цевка до храмот „Света Петка“ во Дебрца, со што треба да се обезбеди негово снабдување со струја и вода, соопшти градоначалникот Златко Сиљаноски С...
Претседателката Гордана Сиљановска-Давкова им го честиташе 22 Ноември – Денот на албанската азбука на граѓаните Албанци, со порака дека заедничка должност е да се гради општество во кое различности...
На граничниот премин „Ќафасан“ претпладнево ќе биде промовиран интегрираниот граничен систем „One Stop Shop“ На промоцијата ќе присуствуваат премиерите на Македонија и Албанија, Христијан Мицкоски ...