Во изработката на проектот учествуваа студенти и професори од “Св. Апостол Павле”, како и вработени од Завод и музеј- Охрид под менторство на светски познатиот археолог, Владо Маленко.
– Создавањето на 3Д модели и виртуелна реалност со помош на графичка техника (3D, MAX, MAYA) постанува еден од најактуелните методи за документација на археолошкото наследство, но исто така и за промоција на културното наследство пред јавноста,изјави Јане Бакрески еден од менторите на проектот.
На презентацијата, пред присутните се обрати и Абасадорот и Ректор на Универзитетот Есра, Јордан Плевнеш, кој го подржа проектот и изрази желба за соработка помеѓу двата универзитети.
Покрај презентацијата и обраќањата на говорниците, на овој настан беше промовиран и документарен филм кој го отслика процесот на креирање на проектот „3Д археологија“.
