Безживотно тело на повозрасен маж, денеска околу 14 часот било пронајдено на улицата „Карпош Војвода“ во Охрид. Телото го забележал доктор од Брзата помош, кој го пријавил случајот. Веднаш била формирана увидна екипа составена од припадници на полицијата, истражен судија и јавен обвинител, која излегла на местото на настанот.
Според првичните информации од истрагата, на телото не биле забележани траги од насилство. Починатиот се уште не е идентификуван, а во полицијата нема пријава за исчезнато лице, поради што СВР Охрид апелира до граѓаните доколку имаат било какви сознанија кои можат да помогнат да се утврди идентитетот на мртвиот маж, да се јават на бројот 192.
OhridNews
