Пронајдете ја вашата куќа од соништата во Елшани – порачува холандската телевизија „МАХ“

Вчера, во Елшани, во куќата  на тетка Трајанка Наќоска се снимаше дел од емисијата „ОТКРИЈТЕ ЈА ВАШАТА КУЌА ОД СОНИШТАТА“, која во продукција на холандската нациоанлна „MAX  TELEVISION“ се реализира во голем број  земји во светот, каде на средовечните парови од Холандија и од други западни земји им се нуди избор од три куќи каде би го поминале остатокот од својот заеднички живот.

Во секоја емисија среќата да бидат извлечени некои од паровите е да имаат необична и незаборавна љубовна приказна. Во една од емисиите за „Dream House“ победила љубовната и животна приказна на вљубените Славица и Ханс кои пред  35 години ја започнаа својата заедничка животна приказна, како што вели Славица – во градот на љубовта, тука во Охрид, за потоа  20 години да минат во Холандија, а последниве 15 во Белград, Србија. Убавите им спомени од Охрид и Македонија ги  заинтересирале холандските телевизиски продуценти и решиле токму на Славица Секуловски и на нејзиниот животен сопатник  Ханс, да им дадат можност да бираат своја куќа на соништата.

Симпатичната уредничка на „МАX TELEVISION“, Дезире Салман преку своите македонски пријатели и потпомогнати од  агенцијата „Лале турс“ стигнаа до Елшани каде ќе имаат можност да одберат една од понудените куќи кои со својот изглед, но и со својот прекрасен поглед од каде како на дланка пред очи ви стои Охридското Езеро и прекрасната  крaјбрежна убавинa. Покрај куѓата во Елшани, во избор се уште две убави макледонски куќи на охридската ривиера, едната во Љубаништа, другата во Подмоље, кои ги селектираше агенцијата за недвижности „Капитал консалтинг“ од Охрид, која исто така е вклучена во проектот.

-Нашата идеја со емисијата е да им овозможиме на средовечните и постари луѓе да стекнат повеќе пријателство, повеќе  истражени места, повеќе традиционални  високи  вредности на вашето македонско поднебје, а Македонија, со сите свои вредности заслужува да биде изборот за куѓа од соништата, истакна главниот директор холандската прoдуккциска куќа „Мax“ .

                                          
Такви беа и изјавите на другите холанѓани и на други гости кои присуствуваа на топлото добредојде во дворот на тетка Трајанка Наќоска каде беа на маса поставени повеќе вкусни традиционални  јадења.

Е, па, добредојдовте во Елшани и наздравје!