Незбележителни резултати на македонските атлетичари на Балканското првенство во сала кое викендов се одржа во Истанбул, на кое за прв пат учествуваа 11 држави, вклучувајќи ја и новата членка Хрватска.
Највреден резултат според ИААФ таблицата забележа Кристијан Ефремов, кој на 400 метри истрча 49.88 (седмо место), што преставува негов личен рекорд, вреден 935 ИААФ бодови.
Ајдаров Ристе на 60м заврши деветти со време 7.32 сек, Ефремов Кристиан на 400 метри со време 49.88 сек. заврши на седмо место, Јованоски Јованче прескона 191 цм доволно за седмо место, додека Нојковски Марјан во дисциплината фрлање ѓуле заврши на седмото место со фрлени 13.98 метри.
Кај девојките Селими Валбона на 60 метри заврши седма со време 8.31 с, Ислами Дрита на 400м со време 1:02.25 заврши на петто место, Вељановска Тања делницата од 800м ја претрча за време од 2:32.80 доволно за петто место, додека Спасеска Александра прескокна 4.77 метри и се пласираше на седмото место.
Во екипен пласман, во машка конкуренција го освоивме деветтото место во конкуренција на 11 земји, додека во женска конкуренција завршивме на седмата позиција. Нови балкански шампиони се Грција во машка и Романија во женска конкуренција.
Ohridnews
