Неколку повредени и оштетени возила се последици од вчерашниот протест пред Владата, против поставувањето на Талат Џафери за нов Министер за одбрана, пренесува „Канал 5“.
Според Министерството за внатрешни работи, група помлади учесници фрлале со камења кон полицијата при што оштетиле неколку возила. Од МВР велат дека неколку нивни службеници се пожалиле на повреди, а полицијата привела неколкумина кои учествувале на протестот.
Инаку, лидерот на „Достоинство“ Стојанче Ангелов, на својот фејсбук профил демантира некаква поврзаност со вчерашниот протест, повикувајќи ги граѓаните денеска масовно да излезат на протестотот против Талат Џафери, кој од 12.00 часот започнува пред споменикот на „Бранителите“ во Скопје.
OhridNews
