Први награди за младите пијанисти од ООМУ „Методи Патче“ на Меѓународниот натпревар во Врање

Младите пијанисти од ООМУ „Методи Патче“ продолжуваат да нижат успеси. Овојпат со награди се закитија на Меѓународниот натпревар во Врање.

На Меѓународниот натпревар за мали пијанисти, кој се одржа на 25ти и 26ти мај во Врање, Република Србија, учениците од класата на проф. Ана Ѓорѓиоска постигнаа високи резултати. Ученичката Ана Кузманоска освои I специјална награда, максимални 100 бода во својата категорија. Ученикот Борјан Николоски, во својата категорија освои висока I награда, велат од училиштето.

Двајцата млади пијанисти имаа одлични резултати и на неодамна одржаниот Државен натпревар во Битола во организација на Здружението на музички и балетски педагози.

OhridNews