Италијанскиот судија Роберто Росети ја доби честа да го води финалниот натпревар на Европското првенство што на 29 јуни ќе се одигра на стадионот Ернст Хапел во Виена. На еден од најдобрите светски судии му беше доделена оваа можност откако Италија испадна во четвртфиналето и беше јасно дека нема да стигне до мечот за златниот медал. Негови помошници, како и на претходните натпревари што ги водеше се сонародниците Алесандро Грисели и Паоло Калчањо, а четврт судија е Швеѓанецот, Петер Фројдфелт.


Италијанската тројка на загревање пред Хрватска -Турција

Росети е ФИФА судија од 2002 година, а досега од големите натпреварувања беше на должност само на последното Светско првенство во Германија. Со 190 сантиметри Росети е највисокиот судија на првенството во Австрија и Швајцарија и ќе биде првиот арбитар кој ги водел првиот и последниот натпревар на еден континентален шампионат. Во исто време директорот на болницата во Торино е трет италијански судија што ќе го води финалето на европското првенство по Серџо Гонела во 1976 година и Пјерлуиџи Паирето две децении подоцна.


Одлично одсудениот 1/4 финалниот меч виза за големото финале

УЕФА ги одреди и судиите за полуфиналните натпревари на овој шампионат. Дуелот меѓу Германија и Турција во среда во Базел ќе го води домашниот арбитар Масимо Бусака, а еден ден подоцна на должност ќе биде Франк де Блекере од Белгија.

Без работа остана словачкиот судија Лубош Михел со своите помошници.

ohridnews