Согласно одлуката донесена на денешната седница на Ректорската конференција на јавните универзитети, првиот уписен рок на универзитетите ќе се спроведува во јуни, со што ќе се усогласат роковите меѓу полагањето на државната матура и конкурсите за запишување на јавните универзитети.
Одлуката е донесена согласно претходно дадената иницијатива од страна на министерството за образование.
Претходно, на седницата одржана на 23 јануари одлучено е и пет проценти од студентите на вториот циклус на студии кои ги исполнуваат условите и се рангирани на првите места на листите да студираат без надомест, за што се известени министерот за образование и наука Панче Кралев и членовите на Ректорската конференција на јавните универзитети во РМ.
OhridNews
