Во рамките на одбележувањето на 8- ми септември , Денот на независноста на Република Македонија, денеска свечено беше пуштен во употреба реновираниот објект „ Развигорче“ кој е дел од детската градинка „ Јасна Ристеска“ . Реновираниот објект, во кој се згрижени 167 деца од предшколска возраст, во употреба го пушти секретарот на општина Охрид Димитар Спасески.
Реновиран е покривот на објектот „ Развигорче“ , обновен е подот, санирани се санитарните јазли, а комплетно се реконструирани две нови занимални. Во овој објект за прв пат се отвараат јасли, во кои ќе бидат згрижени 13 деца, на возраст од шест месеци до две години.
– Општина Охрид и во наредниот период максимално ќе се залага да ги обезбеди неопходните услови за згрижување на децата од претшколска возраст. Ова е прва етапа , која заедно со отворањето на дисперзирани занимални во селата Велгошти и Лескоец, ќе заврши до крајот на оваа година. Во текот на наредната година ќе бидат преземени уште поголеми активности- рече секретарот на општина Охрид Димитар Спасески.
Објектот „ Развигорче“ беше реконструиран со помош на Локалната самоуправа, но и со донации од општествено одговори фирми и бизнисмени.
OhridNews
