Првата соло песна на саксофонистот на СУПЕРХИКС, охриѓанецот Горан Папаз, насловена како “Разбуди се”, официјално ќе биде промовирана денеска на пладне на „Антена 5“ радио во емисијата “Светот на музиката” со Дани и Ана. Се работи за инструментална песна, отсвирена на саксофон која некогаш била создадена на нашите простори, нешто што до сега не е чуено на македонската музичка сцена.
Оваа песна е само најава за проектот кој следува од овој млад и талентиран музичар.
Целта на “Разбуди се” е едноставно ширење на позитивни вибрации и примамување насмевки на секој кој ќе ја чуе. Желбата на авторот е секој да си дозволи да ја почувствува енергијата која ја носи оваа песна и да ја разбере на свој,
посебен начин.
Како гостин во песната се појавува рап артистот Даз Флоу ( Дарко Иваноски ) со свој авторски текст кој кратко, ама слатко ја надополнува оваа нумера.
Музиката и аранжманот се на Горан Папаз и Гоце Симоноски.
Според најавите наскоро ќе можеме да видиме и видео запис за соло првенчето на Папаз.
OhridNews
