Од денес е распишан и третиот оглас за пријавување на студентите за слободни легла во студентските домови кој ќе трае до 15 октомври.
Како што информираат од министерството за образование, на огласот може да се пријават сите студенти кои на претходните два огласи биле одбиени поради која било причина. Документацијата која била валидна и претходно доставена при пријавувањето на првите два огласи се уште важи, а потребно е само да се дополнат документите за кои им било посочено дека се причина што не добиле место во студентски дом.
Огласот нема одвоена категоризација и важи за сите студенти од прва до шеста година, зависно од видот на студиите.
Во моментов се слободни уште 1232 легла во студентските домови во земјава.
OhridNews
