Началникот на петтата управа Горан Грујовски, кој е прв осомничени во случајот „Тврдина” на Специјалното јавно обвинителство, е разрешен од функција. Министерот за внатрешни работи Митко Чавков не сакаше да образложи зошто е разрешен началникот, но тврди дека тоа е направено во законски рамки.
Чавков вели дека Грујовски од вторникот го прекинал боледувањето, се вратил на работа, и е разрешен од позицијата началник на петтата управа, а сѐ уште нема поставено нов на неговото место.
Инаку, Грујовски заедно со уште четири лица, меѓу кои и поранешната министерка за внатрешни работи Гордана Јанкулоска, се осомничени за уништување на системите за нелегално прислушкување, вредни 10 милиони евра.
OhridNews
извор Макфакс
