При тоа, потенцираат дека ги побиваат тврдењата на кандидатот од За подобра Македонија, Игор Трајкоски, дека градоначалникот на општината во изминатиот период не реализирал ниту еден проект.
– Од страна на општината предводена од градоначалникот се реализирани бројни проекти од различни извори на финансирање ( европски фондови и фондови на меѓународни организации, национални фондови, буџет на општината) Во оваа прилика ќе потенцираме неколку капитални инвестиции-изградба на Регионален водовод за водоснабдување на Ново Село, Белчишта, Лешани, Грко Поле и доводен крак за Ботун ( финансиран од Кардс програмата на ЕУ ), реконструкција на основните училишта во Мешеишта и Злести и реконструкција на водовод во Лешани ( УСАИД ), изградба на ново училиште во Горенци ( Швајцарска Амбасада ), набавка на типска пречистителна станица за Белчишта ( РЕЦ Програма, СИДА Шведска ), изградба на фекална канализација во Белчишта и Оровник, изградба на доводен цевковод за Волино, изградба на резервоар за водоснабдување во Горенци, реконструкција на водовод во Велмеј и Оровник, изградба на водовод за Мраморец, реконструкција на спортски полигон во Мешеишта, поставување на заштитна ограда и трибина на спортски полигон во Волино, изградба и реконструкција на општински патишта ( за Турје, Мраморец, Врбјани, Годивје, Лактиње, Песочани, Белчишта-Ново Село, Мешеишта-Волино, Волино-граница на општина Струга, за манастир Света Недела Оровник ), изградба и реконструкција на улици во сите населени места, тампонирање на локални и полски патишта, реконструкција на зградата на Ликовната колонија во Белчишта, осветлување на плоштад во Волино , изградба на фонтана во Белчишта и редица други, се наведува во реакцијата на Сојузот за иднината.
