Поттикнување на солидарноста како и подигнување на јавната и општествената свест за донирање на храна на оние семејства на кои им е најпотребна, а кои немаат доволно средства да обезбедат редовни дневни оброци беше целта на спроведената хуманитарна акција на Интернационалната полициска асоцијација, регион Охрид, наменета за социјално загрозени семејства.
Хуманитарната акција како дел од програмските цели и определби на Интернационалната полициска асоцијација беше иницијатива на Секцијата на жени при ИПА Охрид, а реализирана во соработка со Весна Миленкоска од хуманата иницијатива „Зготви и подари“ од Охрид. Тие заедно, за повеќе социјално загрозени семејства кои се соочуваат со недостаок на храна, со многу љубов приготвија топли оброци а потоа, со голема почит им ги предадоа на членовите на семејствата, во нивните домови во Охрид, информира претседателот на ИПА Охрид, Стефан Димоски.
Храната, додава, е основно човеково право и затоа, сите заедно треба да создаваме можности за редовно донирање на храна за одредени наши сограѓани и барем малку да придонесеме да имаат подобар живот.
OhridNews
