Со „нема да гласам” се изјасниле 45,8 проценти од граѓаните опфатени со телефонската анкета на Институтот за демократија за рејтингот на претседателските кандидати. Од анкетираните со „се уште не знам” одговориле 15 проценти од граѓаните.
Според резултатите од анкетата, 25,4 отсто од анкетираните одговориле дека во вториот круг на претседателските избори би гласале за кандидатот на ВМРО – ДПМНЕ Ѓорге Иванов. За кандидатот на СДСМ Љубомир Фрчкоски се определиле 13,8 отсто од анкетирани лица
Анкетата на Институтот за демократија била направена на 27 и 28 март на репрезентативен примерок од 1.112 испитаници.
Ohridnews
