Првото второлигашки дерби, меѓу Охрид`04 и Охрид Лоте, заврши со победа на “рибарите“ со 3-2.  И покрај поразот везистот во соcтавот на “градежниците“, Томче Речкоски смета дека дербито ги оправда очекувањата.


Речкоски во продор


– Одигравме еден извондреден натпревар кој во целост ги оправда очекувањата. Ние ги повторивме грешките кои скапо не чинат во шампионатот. Добро се држевме во средината, но двата гола кои ги примивме благодарение на недоразбирањата во потесната одбрана не пресекоа. Им ја честитам победата и освоено прво место во есенскиот дел на Охрид – вели Речкоски, кој го изедначи резултатот на 1-1.

За Речкоски погодокот против Охрид, беше негов прв во дресот на Охрид Лоте. Речкоски фудбалската кариера ја започна во Охрид, каде дебитираше со хет трик на мечот со Влазерими кој заврши со победа од 6-1 на “белите“.

М.П.