Во тек се градежните активности за реконструкција на улицата „7-ми Ноември“. Вредноста на проектот е 39 милиони денари.
Проектот опфаќа изградба на нова атмосферска канализација, изведување на нови тротоарски површини и велосипедски ленти со автентичен материјал (украсен речен камен), спуштање на водовите на кабелските и другите оператори и комплетна реконструкција и нов асфалт на коловозната лента, информира градоначалникот Кирил Пецаков на Фејсбук профилот.
Инвестицијата е обезбедена од општинскиот буџет, а изведувач на градежните зафати е АД „Илинден“, Струга.
Од Општина Охрид претходно испратија апел до граѓаните што живеат и гравитираат на овој дел од градот да се придржуваат до новиот сообраќаен режим.
OhridNews
