Република Северна Македонија е решението за спорот за името кое го договориле премиерите на Македонија и Грција, Зоран Заев и Алексис Ципрас во текот на едночасовниот разговор вчера, јавуваат грчките медиуми.
Според истите извори решението содржи предлог Република Северна Македонија со превод на англиски, за севкупна употреба, како и македонски јазик со превод на англиски јазик.
За денеска е закажан нов телефонски разговор помеѓу премиерите Заев и Ципрас по кој веројатно ќе биде појасно дали и колку Македонија и Грција се блиску до историски договор околу деценискиот спор за името.
OhridNews
