Навивачката група “Рибари“ со негодување ја прифати одлуката за привремена забрана за гостување на навивачи во други градови. Во реакцијата на навивачката група се бара повторно да биде разгледана вакавата одлука:
– Последната одлука на ФФМ на чело со Хаџи Ристески, е чекор назад за фудбалот во Македонија. Низ цел свет фудбалот се игра за навивачите!!! Ние како навивачка група ’’Рибари’’ и ново оформено здружение на граѓани бараме повторно разгледување на оваа одлука. Насилствата нема да престанат ако се забрани бодрењето на својот клуб во туѓ град, за престанок на насилствата грешката треба да се бара на друга страна, а не на трибините – се вели во реакцијата на навивачката група “рибари“.
Исто така “Рибарите“ ги покануваат граѓаните на Охрид безрезервно да ги подржат охридските клубови кои се најдобра промоција за градот Охрид.
М.П.
