Последното достигнување на NASA вредно $2.6 милијарди долари кое го носи името “Curiosity” пред само неколку часа успешно слета на Црвената Планета, а со тоа ја започна неговата двегодишна мисија за пронаоѓање знаци дека Марс некогаш ги имал сите состојки неопходни за живот.
Во NASA уште владее еуфорија откако беше изведен најкомплексниот манувар за слетување кој некогаш бил направен, а вреди и да се знае дека составните делови на механизмот биле поединечно тестирани но никогаш заедно како целина.
Подвижната лабораторија патуваше низ вселената осум месеци и помина неверојатни 566 милиони километри, а ја проби атмосферата на Марс со брзина од 20.000 километри на час.
Кратко по слетувањето беше воспоставена врска помегу контролата на NASA и роверот кој веќе испраќаше слики од планетата.
