Производството на електрична енергија е се поскапо, а цената и понатаму ќе се зголемува. Затоа граѓаните треба да ги сменат досегашните навики, рационално да ја трошат струјата и повеќе да штедат, се обрати денес на прес конференција министерот за економија Ваљон Сарачини.
Тој ги советува македонските граѓани да извршат замена на старите светилки со нови енергетски поефикасни, изолирање на прозорците и таваните во домовите, купување на апарати за домаќинство со поголема енергетска ефикасност, се со цел поголема заштеда на струја.
– Со поефикасно затоплување, поефикасна изолација и поефикасно осветлување може да заштедиме од 20 до 40 проценти од трошоците за енергија, а државата може да заштеди околу 700 гигавати-часови, посочи Сарачини.
Мерките и советите кои ги дава министерството се содржани во во новата брошура „Штеди, вклучи го мозокот, исклучи ја струјата“.
OhridNews
