Фактот што ВМРО-ДПМНЕ претходно го прифати Законот за употреба на јазиците, којшто сега го оспорува, е доказ за лицемерието и за лажниот патриотизам на опозициската партија, смета СДСМ. Блокирањето на работата на Собранието не може да донесе ништо друго освен блокада на реформските процеси кои се клучни за Македонија да оди напред, велат од владејачката партија.
„Христијан Мицкоски треба да смогне сили и да успее ги надмине погубните политики на неговиот претходник Никола Груевски коишто промовираат поделби, насилство и омраза и кои се во спротивност со европските вредности. Тоа е во интерес на Република Македонија и на сите нејзини граѓани коишто силно го поддржаа концептот на едно општество за сите.“ – стои во реакцијата на СДСМ.
OhridNews
