Вкупната вредност на трговската размена на Република Македонија со светот во првите десет месеци од годината надмина десет милијарди долари, при што значителен пораст е забележан и на страната на извозот и на страната на увозот. Трговската размена во периодот јануари – октомври 2014 изнесува, 10,2 милијарди долари, додека во истиот период лани вредноста на трговската размена изнесувала 8,8 милијарди долари.
Според податоци на Државниот завод за статистика, вкупната вредност на извозот на стоки од Република Македонија во периодот јануари – изнесува 4,1 долари, што е за 670 милиони долари повеќе во однос на истиот период лани. Истовремено биле увезени стоки во вредност од 6,0 милијарди долари, што е за точно 700 милиони долари повеќе во однос на истиот прриод лани.
Трговскиот дефицит е речиси непроменет и изнесува 1,9 милијарди долари, додека покриеноста на увозот со извоз достигнала 68,1 отсто, наспроти минатогодишните 64,5 отсто
Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, фероникелот, сетови на проводници за палење и слично, за возила, авиони или бродови, производите од железо и челик (валани производи) и облеката.
Во увозот најмногу се застапени суровата нафта, платината и легурите на платина, необработени или во прав, електричната енергија и други метали од платинската група и нивни легури, необработени или во облик на прав. Според вкупниот обем на надворешно- трговската размена, Македонија најмногу тргува со Германија, Велика Британија, Грција, Србија и Италија.
OhridNews
