Според прогнозите времето во Македонија денеска ќе биде променливо облачно со кратки сончеви периоди и со услови за локален слаб дожд, особено повеќе ќе биде застапен во западните делови на земјава. Ќе дува слаб до умерен ветер претежно од северен правец, а долж Повардарието ќе засилува.
Утринската температура ќе се движи од нула до шест, а дневната од 11 до 17 степени.
Во наредните денови продолжува периодот на променливо облачно време со повремен локален дожд. Повеќе врнежи се очекуваат во четврток кога кон крајот на денот ветерот ќе го промени правецот во северен што ќе донесе заладување, односно температурата ќе опадне за неколку степени. Во западните делови на планините врнежите ќе поминуваат во снег каде се очекува да се формира и нова снежна покривка.
OhridNews
