Едно лице го загуби животот при превртување на скутер на Охридското Езеро. Несреќата се случила попладнево околу 17.30 часот на околу еден километар од брегот, во близина на струшкото село Калишта.
Очевидци го пријавиле случајот во полицијата, а веднаш била повикана и брза помош. На местото на првртениот скутер било пронајдено мртво машко лице, додека вториот патник, женско лице, не е повредено но се наоѓа во состојба на шок. Неофицијално, девојката е позната личност од албанската естрада.
На местото на несреќата во тек е полициски увид кој треба да ги разјасни причините за трагедијата.
Денешната несреќа, е петти инцидент од неделата наваму на Охридското Езеро. Претходно на Машка плажа скутер удри во педалинка при што беше повреденио 21 годишно момче, додека во друг инцидент 11 годишно девојче се здоби со повреди во пределот на десната потколеница кога во неа удри скутер во плитки води на плажа. Вчера скутерџии предизвикаа проблеми и на две охридски плажи. Поради зачестените инциденти Министерството за транспорт предвреме денеска ја активираше мерката за ограничување на пловидба на скутери со мотор посилен од 45 киловати, која требаше да почне на 20 јули. За жал на првиот ден од нејзината примена се случи нов, овојпат трагичен инцидент во кој има и жртва.
OhridNews
