Поради постоење основи на сомнение за сторени казнени дела „фалсификување или уништување деловни книги” и „злоупотреба на лични податоци“, Секторот за внатрешни работи Охрид, до надлежното Јавно обвинителство, поднесе кривична пријава против 30-годишно лице од Прилеп и против правен субјект, Туроператор од Скопје, подружница Струга.

  • На 24 јануари минатата година, пријавениот како управител и во име на пријавеното правно лице, во деловен договор за давање услуги за туристичко водење и придружување, од туристички водич од Охрид, внесол невистинити податоци. Тоа го направил без согласност од туристичкиот водич, со неовластено користење на личните и службени податоци како и со фалсификување на личниот потпис, информира портпаролот на СВР Охрид, Стефан Димоски.

Потоа, лажниот договор го пуштил во правен сообраќај како да е вистински, пријавувајќи се на тендер, односно јавен оглас за организирање на меѓународна екскурзија.

OhridNews