Крајниот законски рок за замена на старите лични карти со нови биометриски лични карти истекува на 27 февруари 2012 година, потсетува Министерството за внатрешни работи.
Согласно Законот за изменување и дополнување на Законот за личната карта, личните карти издадени пред денот на влегувањето во сила на овој закон ќе важат до рокот на важење кој е наведен во личната карта, но најдолго до пет години од денот на влегувањето во сила на овој закон.-информираат од МВР.
Сите граѓани кои немаат важечка лична карта (изминат рок, изгубена) можат без закажување веднаш да поднесат барање за издавање на нова лична карта во Подрачните единици на Министерството според нивното живеалиште, појаснуваат од МВР.
OhridNews
