Се расчистуваат коловозите и тротоарите од снежните наноси

Екипите на охридското јавно претрпијатие „Комуналец“ во текот на изминатата ноќ, ги расчистуваа коловозите низ градот oд снег.

Според претпријатието, поради ниските температури постои опасност од појава на голомразица и лизгање на патиштата низ градот. „Се работеше во текот на ноќните часови со посипување на сол и ризла по улиците. Исто така, покрај специјалната механизација беа мобилизирани и работници за рачно расчистување на пофрекфентните тротоари и чаршијата“ – велат од Ј.П „Охридски Комуналец“.

Поради специфичноста на теренот потешко се одвиваше сообраќајот во наслебите „Бараки“, „Стар Град“, приградските населени места Рамне, Велгошти, Велестово, Лакочереј, како и Коњско. Како што напоменуваат од претпријатието, активностите се спроведуваат согласно предвидената програма за зимско одржување на патиштата во охридскиот регион.