Во рамки на започнатите активности за уредување на населбата Канео и делот што води кон црквата „Св. Јован- Канео“, денес Јавното претпријатие „Градски гробишта“ започна со реконструкција на постоечките потпорни ѕидови, кои се опасност за минувачите. Освен реконструкцијата на старите, планирано е да бидат подигнати и нови потпорни ѕидови.
На овој простор се планира поставување и на ново осветлување, односно замена на старите со нови фенери, со што ќе се добие уредена патека. Исто така овој простор ќе биде хортикултурно уреден, а ќе се оформат и нови зелени површини.
OhridNews
