Јавното претпријатие „Охридски комуналец“ по налог на Општинскиот инспекторат ја санира пешачката патека по улицата „Марко Цепенков“ на потегот од кружниот тек на улицата „ Питу Гули“ до месноста „ Стобекс“.
Исто така, отстранети се делови од зелената жива ограда, гранки од дрвја и диви жбунови од приватните имоти, кои го попречуваа движењето на пешаците и видливоста на сообраќајните знаци.
„Во одржувањето на зеленилото по јавно- прометните површини Ј.П.„Охридски Комуналец„ секојдневно се сретнува со проблеми кои произлегуваат од одржувањето на оградите, дрвјата и жбуновите кои од приватните имоти се шират на јавните пешачки површини и сообраќајниците.“ – велат од јавното претпријатие.
Оттаму ги потсетуваат граѓаните дека се должни сами да го одржуваат зеленилото на нивните имоти и дека истото не смее да преминува на јавна површина, бидејќи согласно Законот за јавна чистота, овие дејствија подлежат на ригорозни казни.
OhridNews
