Преку полагање испити ќе се лиценцира целокупниот стручен кадар во градинките, најави министерот за труд и социјална политика, Спиро Ристовски , кој денес ги презентира имените во Законот за заштита на децата.

– Неопходно е, стручниот кадар да се усогласи со новото време, бидејќи, едно беше да се воспитува и згрижува дете пред триесеттина години, а сосема се други околностите сега. Испит е предвиден и за оние кои сакаат да бидат директори, рече министерот Ристовски.

Освен лиценцирањето на кадарот во градинките, со измените на Законот за заштита на децата се предвидува и воведување нова форма на згрижување, воспитание и образование на деца од претшколска возраст – Центар за ран детски развој, следење на присутноста на децата и кадарот во градинките, како и воведување електронско досие за децата со информации за нивните активности и афинитети или евентуални проблеми.

Измените на Законот предвидуваат и воведување инспекциски надзор на градинските со цел да се утврди дали стручната работа за згрижување, воспитување и образование на децата се проведува врз основа на современи научни и стручни методи и достигнувања за тој вид дејност и дали тоа се организаира на најефикасен начин.

ОhridNews