Интензивно се работи на изградба на кружна крстосница на пресекот на булевар „Туристичка“ и улица „Јане Сандански“, кај охридската Гимназија. Во моментов на терен ангажирани се екипи на охридските Јавни претпријатија „Нискоградба“ и „Проаква“.
-ЈП „Нискоградба“ работи на поставување нова атмосферска канализација за одведување води во износ од 1.478 000 денари, а ЈП „Водовод-Охрид“ работи на замена на старите азбестно-цементни цевки со нови полиетиленски со вкупна должина од 300 метри. Во рамки на зафатот се обезбедуваат приклучоци за нова водоводна линија и главен приклучок за улица „Јане Сандански“ и за потребите на кружна крстосница со вкупен износ од 2.400 000 денари, информираат од општина Охрид.
Изведувачот на градежните активности, фирмата „Ив-Стил Градба“ во моментов ги врши подготвителните активности за изградба на кружниот тек. Вкупната цена по Договорот помеѓу општина Охрид и изведувачот „Ив-Стил градба“ за овој проект е 5.829 798 денари.
OhridNews
