Во вторник ќе се одржи дваесет и четвртата седница на Советот на Општина Охрид со почеток во 11:00 часот.
На дневен ред 25 точки меѓу нив предлог одлуки за верификација на мандат на член во Советот, изменување и дополнување на одлуката за извршување на буџетот на Општина Охрид за 2023 година, измени и дополнувања на развојната програма за капиталните инвестиции во областа на средното образование 2023-2025 година, измени и дополнување на буџетот на единицата на локална самоуправа за 2023 година.
Советот ќе расправа и по предлог одлуки за субвенционирање трошоци за потрошена електрична енергија на ЈП„Водовод“ – Охрид, давање согласност на измените на годишниот План за вработување на Општина Охрид за 2023 година, изменување и дополнување на Одлуката за давање на времено користење недвижен имот на ЈП „Билјанини извори“ – Охрид, формирање на Совет за женско претприемништво на општина Охрид, подигање спомен – обележје за Стојан Шутев, Тасе Василев и Коле Јанев, од с.Завој, загинати за време на Илинденското востание, како и предлог-одлука за прифаќање донација на движни ствари – опрема за спроведување на GLOBE програмата на Општина Охрид и давање на трајно користење на ООУ „Христо Узунов“ и ООУ „Кочо Рацин“.
Меѓу точките и оние кои се однесуваат на урабнистичко-плански документации. Детали за дневниот ред на следниот линк.
OhridNews
