Дечињата од охридските села Подмоље, Лескоец, Косел, Велгошти, Елшани, Трпејца и Горно Лакочереј во иднина ќе добијат Детски игралишта каде што ќе можат да се забавуваат и да се рекреираaт.
Според „Развојната програма за уредување на градежно земјиште на општина Охрид за 2015-2017 година“, освен во селските средини, игралишта со детски реквизити ќе бидат поставени и во охридските населби „Кошишта“, „Видобишта“, „Гоце Делчев“ и „Св.Стефан, како и на улицата „Ванчо Питошески“ и во рамки на училиштата „Братство Единство“ и „Св.Климент Охридски“.
Покрај средствата за поставување на нови игралишта, во рамки на оваа програма ќе бидат обезбедени и средства за уредување и реконструкција на постоечките игралишта, кои се поставени на повеќе локации во општина Охрид.
OhridNews
