Во насока на зголемување на транспарентноста во работењето и вклучувањето на граѓаните и јавноста во процесот на донесување на одлуки, од локалната самоуправа информираат дека на иницијатива на градоначалникот Никола Бакрачески, во наредниот период , граѓаните ќе имаат можност да вршат непосреден увид во донесувањето на урбанистичките планови.
Со претходно најавување на телефонските броеви 262-492 и 262-493, граѓаните можат секој четврток од 12 – 15 часот, во Секторот за урбанизам и управување со градежно земјиште да остварат средба со одговорните лица и да ги добијат сите информации во однос на одредени урбанистички планови или проекти.
