Сопругот на канадската пејачка Селин Дион, Рене Анџелил, беше шпогребан во петокот во присуство на семејството, пријателите и околу илјада обожаватели. Последното испраќање беше одржано во базиликата Нотрдам во Монтреал, во која парот се венча во 1994 година. Покрај Селин беа и нивните три сина, Рене Чарлс и близнаците Нелсон и Еди.
Рене Чарлс изјави дека петнаесет години не е долго време синот да го запознае својот татко, но имал доволно убави спомени кои ќе ги подели со помладите браќа. Додал дека додека тие растат без татко, ќе се обиде да им го пренесе она што тој го научил од Рене. Анџелил почина минатата седмица од рак на 73 години. Братот на Селин Дион, Даниел, умре два дена подоцна исто така од рак.
