Охридските градежници со неверојатен пресврт стигнаа до сензационална победа на гостувањето во Кичево против Влазерими со 5-4.
Натпреварот лошо започна за “белите“ кои по 15 минути игра беа во негатива од 3-0. Зекири во третата, Д. Рахмани во 12 – та и Дехари во 15 – та навестија бродолом на охридскиот тим. Немајќи што да загубат избраниците на Трифуноски комплетно се отворија и преку М. Стојaноски намалија на 3-1, а по прецизно изведената најсторога казна Толески намали на 3-2. Со вториот гол на мечот Дехари повторно ги врати кичевци во комотна 4-2 предност по првите 45 минути.
По паузата “фајтерски“ расположените охриѓани тргнаа на се` или ништо. Такавата игра даде плод во 55 – та минута кога Димоски погоди за намалување на предноста на 4-3. Гостите ја користат збунестоста на домашната одбрана која потклена по четврти пат во мечот, Сејдини ја затресе сопствената мрежа.
Кога и двете страни се задоволија со реми, на сцена повторно стапи популарниот Лама, кој со вториот гол на мечот во 82 минута ја осигура победата во еден од најинтересните натпревари одиграни во кратката историја на новоформираниот второлигаш.
М.П.
