Агенцијата за промоција и поддршка на туризмот во соработка со Владата на Република Македонија неодамна лансираше нов концепт на социјални медиуми кој ќе помогне да се рашири убавиот збор за Македонија низ светот, пренесува „Макфакс“.
Името на концептот е Share Macedonia и земјава за првпат лансира проект кој ќе помогне да се крене свесноста за постоењето на Република Македонија. Идеата е да се споделуваат слики, видеа и постови на блогови за Република Македонија, и истите тие да се споделат на сајтот Share Macedonia со употреба на хаштаг пред името.
За поуспешно развивање на овој концепт, на Македонија и е потребна помош од буквално сите оние кои што се активни на социјалните медиуми.
Има неколку начини на кои сите можат да дадат придонес за оваа акција, а тие е преку постирањето на Фејсбук, Твитер или Инстаграм со хаштагот #sharemacedonia
Share Macedonia е за споделување, грижа и обединување на Македонците и Македонската култура низ светот, а вака сите заедно ќе прошириме зборот за најубавата земја во светот и воедно ќе успееме да ги запознаеме сите оние што не знаат за постоењето на Република Македонија, порачуваат од Агенцијата за промоција и поддршка на туризмот.
OhridNews
извор:„Макфакс“
