Тој информира дека се предвидуваат низа на мерки за потикнувањето на процесот на подобрување на енергетската ефикасност во градежништвото, преку намалување на комуналните давачки, односно со соодветно субвенционирање.
– Со тоа ќе ја подобриме и прошириме Програмата за енергетска ефикасност на Општина Охрид која е во моментов претесна.Тој исчекор ќе го направиме и со цел подобра припрема на објектите за новите енергетски пасоши кои ќе мора да ги има секој објект предвидени и кои ќе влијаат на цената на градбите токму како што предвидуваат европскате директиви.Во тој стратешки пристап ќе се движиме кон искористување на главниот адут – потенцијал кој го има во Охрид, а тоа се обновливите извори на енергија со акцент и на туристичките капацитети т.е на нивно енергетско подобрување-независност , а со тоа и подобра конкурентност на туристичката понуда, рече Шешоски.
Кандидатот за советник додаде дека искористувањето на сончевата енергија ќе продолжи и со иницијатива за помасовна изградба на сончеви централи за добивање електрична енергија.
Шешоски истакна дека бизнис сферата со развојот на нови технологии мора да биде креатор на економските случувања во Охрид и двигател на економскиот напредок . Во таа насока неговите заложби ќе се движат во правец на развој на малите претпријатија, кои мора да бидат дел од развојот на Охрид и помагател на основната економска гранка- туризмот.
