Да се биде освојувач на златен медал на Европско првенство е огромен успех. Медалите се награда за минатиот труд, макотрпната работа како и големото вложување на самиот себе во спортот. Членот на карате клубот „Макпетрол“, и македонската репрезентација Наташа Илиевска споедели со нас како минува еден ден на Европскиот првак.


– Тренирам два пати дневно, помеѓу одмарам и се ми се врти околу каратето. За еден спортист да се одржи во добар и здрав живот, најбитна е исхраната. Оброците не смее да се прескокнуваат и пропуштаат. Префирам да јадам зеленчук, овошје, варена храна без зачини и тестенини. Мора да се внимава да не се внесува мрсна храна. Кога моите најблиски се со мене ги терам да внимаваат на храната – вели за ohridnews, eвропскиот првак Илиевска.


Освен што е член на карате клубот „Макпетрол“, Илиевска е и помшник тренер. Целиот ден го поминува во учење или предавање на дечиња кои доправа ги откриваат тајните на каратето.


– Не сакам тоа да го чувствувам како откажување, мене целиот живот ми е поврзан со карате спортот, додава скромната Илиевска.

Илиевска заедно со македонската карате репрезентација, во Струга ги финишираат подготвките за континеталниот собир во Тенерифе, Шпанија (10-12 мај) каде ќе го брани златниот медал, освоен лани во Цирих, Швајцарија.

М.П.