Еден од најдобрите поединци во германската селекција на Мундијалот, Бастијан Швајнштајнгер беше срцето и душата на репрезентација која по четврти пат се искачи на фудбалскиот трен.
– Стигнавме до титулата во Јужна Америка каде што никогаш до сега европска земја не се радувала на трофејот. Во финалето игравме и за бразилците кои фантастично не бодреа во текот на целиот финален натпревар против Аргентина – рече Швајнштајнгер.
Германците до четвртата титула стигнаа победувајќи ја Аргентина во финалето со 1-0 по дополнителните триесет минути.
– Не осеќавме никаков притисок. Најголем притисок јас како фудбалер чувствував на финалниот меч во ЛШ меѓу Баерн и Борусија, а сега едноставно уживавме на теренот на „Маракана“ – додаде популарниот Басти.
Мх.П.
