Физибилити студијата и мастер планот за изградба на скијачки центар на падините на Галичица, ќе го изработуваат две хрватски компании. Пред околу две недели, требаше да биде потпишан договор за изработка на оваа студија, а економската исплатливост според државниот врв била во преден план.
Според информациите кои беа објавени на веб-порталот за јавни набавки при Министерството за финансии, склучен е договор помеѓу МЕПСО и понудувачите „Хорват и Хорват Консалтинг“, односно, „ Ецосигн Моунтаин Ресорт Планнерс Лтд“. Склучениот договор е вреден 14.151.150 денари со вклучен ДДВ, а оваа понуда била единствената која пристигнала на адреса на ресорното министерство.
Инаку, проектот за изградба на ски центар на Галичица е актуелен повеќе години. Пред неколку месеци идеата отворено ја подржаа бизнис заедницата и туристичките работници од Охрид, кои искажаа интерес да се вклучат во реализацијата на овој амбициозен проект.
OhridNews
