Уметници, музичари, интелектуалци и други јавни личности од Република Македонија ќе бидат дел од ,,Маршот за мир” кој денеска ќе се одржи во Скопје. Маршот ќе започне точно во 14 часот и ќе се движи од Градскиот парк, преку мостот Гоце Делчев, Старата чаршија се до плоштадот Македонија.
Маршот се организира по повод последните инциденти кои што се случија минатата недела, каде што беа повредени над 20 лица од различна етничка заедница и има за цел да испрати порака за мир и соживот.
Настанот е во организација на Граѓанската иницијатива ,,Заедно за мир” предводена од Сашо Мацановски – Трендо, Александар Русјаков, Ана Јовковска и Петрит Сарачини.
Оваа иницијатива е подржана од 70 граѓански организации од Република Македонија.
OhridNews
