Околу 13 милиони денари предвиде охридската локална самоуправа во буџетот за спорт за 2011 година. Најголемиот дел од средствата се предвидени за инфраструктурни зафати во урбаните заедници и развојна програма за масовниот и училишниот спорт, бидејќи како што велат од локалната според постојните закони таа е задолжена да обезбди инфратруктура, но не и директно да вложува во спортските клубови.
Според програмата за спорт на локалната самуоправаза 2011 година, планирани се изградба на нови и санација на постојните игралиште на основните училишта, потоа изградба на соблекувални и помошен терен на Срц Билјанини Извори како и санација на постојните спортски објекти.
Новина оваа година е враќањето на училишните првенства во мал фудбал, одбојка и пинг понг кои ќе се играат од февруари до декември и тоа секоја сабота во седмицата.
– Училишните првенства во мал фудбал одбојка и пинг понг, за основните и средните ќе ги организара сојузот за Училишен спорт. Прво ќе стартуваат мечевите во мал фудбал, потоа одбојка и пинг понг –вели советникот Јоне Станкоски , чии амандмани беа прифатени и вметнанити во буџетот. Исто така ќе продолжи и праксата да се стипеднираат младите талентирани спортисти на територијата на Охрид, кои постигнале позначителни резултати на државно и меѓународно ниво. – Ќе се доделат 15 стипендии по 2000 денари, а конкурост ќе биде објавен кон крајот на Јанауари – информираше Станкоски.
Преку програмата за уредување на градежно земјиште под точка К е изградба на спортски и детски игралишта, кои ќе бидат индиреткно во функција на масовниот спорт, а доколку се уредат имотно правните односи во буџетот за 2011 предвидени се средсвта за возобновување и реконсктрукција на постоечкиот отворен базен на “Билјанини Извори“.
На спортските клубови, како што беше пракса и ланската година ќе им биде обезбеден само превозот и изнајмувањето на спортските објекти за тренирање и одигрување на натпревари, додека одредни средства ќе може да црпат преку развојните спортски проекти.
М.П.
