Сообраќајот на сите патишта во земјава се одвива без забрани, по влажни коловози. Слаби врнежи од снег провејуваат на Стража, Маврово, Плетвар, Крива Паланка – г.п. Деве Баир, Попова Шапка, Смојмирово и Делчево, додека поради појава на магла, видливоста на планинскиот премин Ѓавато е намалена до 100 метри, информираат од АМСМ.
Оттаму препорачуваат внимателно управување со возилата и почитување на поставената патна и сообраќајна сигнализација и на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.
OhridNews
