Две лица во Франција починаа од хормонскиот препарат „Диане 35“, додека една девојка во Хрватска едвај преживеала откако лекот кој требало да и помогне предизвикал тромбоза на раката.
Овој „смртоносен“ препарат, кој го користат девојчината кои имаат хормонски промени или мозолчина по лицето, се уште може да се најде по аптеките низ земјава.
Според фарамколозите, лекот треба да се препишува исклучиво за таа намена, а не како средство за контрацепција, бидејќи долготрајната употреба го зголемува ризикот од појава на тромбоза, пренесува Нова ТВ.
„Во упатството на лекот прва работа која што стои е дека лекот може да предизика венска или артериска тромбоза. Од тие причини лекарите треба да го имаат тоа во предвид и внимателнно да го даваат лекот, само во ситуации кога е неопходен.“ – вели директорот на Институтот за Фармакологија Никола Лабачевски за Нова.
Иако Француската агенција за храна и лекови го забрани овој препарат, здравствените власти во земјава се уште нема да го испитуваат, бидејќи до сега не бил пријавен случај со несакано дејство.
OhridNews
